ភ្នំពេញ៖ ឧបនាយករដ្ឋមន្ត្រី និងជារដ្ឋមន្ត្រីក្រសួងយុត្តធម៌លោក កើត រិទ្ធ នឹងដឹកនាំកម្មវិធីជិះកង់អង្គរលើកទី២ ដើម្បីរៃអង្គាសថវិកាជូនមន្ទីរពេទ្យជ័យវរ្ម័នទី៧ (គន្ធបុប្ផាទី៣) ដើម្បីរៃអង្គាសថវិកាដោយស្ម័គ្រចិត្តរបស់មន្ត្រីរាជការ និងអ្នកវិជ្ជាជីវៈក្នុងវិស័យយុត្តិធម៌ព្រមទាំងសប្បុរសជននានាសម្រាប់គាំទ្រដល់កិច្ចដំណើរការរបស់មន្ទីរពេទ្យជ័យវរ្ម័នទី៧ (គន្ធបុប្ផាទី៣)។

កម្មវិធីនេះប្រព្រឹត្តទៅនៅថ្ងៃទី១ ខែមិថុនា ឆ្នាំ២០២៤ វេលាម៉ោង ៦:០០នាទី ដោយចាប់ផ្ដើមនៅកន្លែងត្រួតពិនិត្យសំបុត្រទី១របស់អាជ្ញាធរជាតិអប្សរា ដោយឡែកនៅថ្ងៃទី២ មិថុនា នឹងនាំយកថវិកាជូនមន្ទីរពេទ្យជ័យវរ្ម័នទី៧ (គន្ធបុប្ផាទី៣)។

សម្រាប់អ្នកមានបំណងចូលរួមក្នុងកម្មវិធីខាងលើ សូមមេត្តាទំនាក់ទំនងតាមរយៈលេខទូរសព្ទ ០៦៩ ៩១៦ ៨២៩ ឬ ០៩៣ ៥២២ ៥៥៩ (Telegram) ចាប់ពីថ្ងៃជូនដំណឹងនេះតទៅ៕